Heimild: Vísir.is
Arndís Snjólaug Ingvarsdóttir, leikmaður Keflavíkur í Bestu deildinni, verður ekki meira með liðinu í sumar en hún gengur með barn. Þetta staðfesti Gunnar Magnús Jónsson, þjálfari liðsins, í samtali við Stöð 2 Sport í gær.
Arndís, sem hefur komið við sögu í fyrstu fjórum leikjum liðsins í sumar, var ekki með liðinu í markalausa jafnteflinu gegn Selfyssingum í 5. umferð deildarinnar í gær.
Gunnar Magnús, þjálfari liðsins, tilkynnti það þá í viðtali við Stöð 2 Sport að hún væri ólétt og yrði ekki meira með í sumar.
Keflavík vann fyrstu tvo leiki tímabilsins en tapað svo næstu tveimur leikjum áður en liðið sótti stig á JÁVERK-völlinn í gær.
Orri Sigurður Ómarsson, leikmaður Vals, er kærasti Arndísar og óskum við þeim innilega til hamingju.
Athugasemdir
