Hinn efnilegi Jón Dagur Þorsteinsson lék fyrstu 56 mínúturnar er Århus vann sinn fimmta deildarleik í röð í Danmörku.
Jón Dagur bjó fyrsta mark leiksins til með glæsilegri stungusendingu sem er hægt að sjá hér fyrir neðan.
Hann er ekki með fast sæti í byrjunarliðinu og er kominn með tvö mörk í sjö leikjum. Hann hefur spilað þrjá leiki fyrir varalið Árósa á tímabilinu og skorað þar þrjú mörk.
Århus er í þriðja sæti efstu deildarinnar sem stendur, þó átta stigum eftir toppliði Midtjylland sem á leik til góða.
Athugasemdir
