Víkingur Ólafsvík hefur samið við spænska markvörðinn Aitor Gonzalez um að hann muni spila með félaginu í sumar.
Aitor, sem er 28 ára gamall, er reynslumikill markvörður sem hefur komið víða við í neðri deildunum á Spáni.
Hann er væntanlegur til landsins í vikunni og ætti að vera gjaldgengur þegar Víkingur Ólafsvík mætir KV í Lengjubikar á laugardag.
„Við bjóðum Aitor velkominn til Ólafsvíkur!" segir í tilkynningu Ólsara.
Víkingur Ó. hafnaði í sjöunda sæti 2. deildar á síðustu leiktíð.
Athugasemdir