Kluivert til Newcastle (Staðfest)

Patrick Kluivert er orðinn leikmaður Newcastle. Þetta var staðfest á blaðamannafundi nú í dag en leikmaðurinn skrifaði undir þriggja ára samning við félagið og er ekkert tengdur Barcelona lengur. Orðrómur hafði verið um að hann yrði lánaður frá Barca en ekkert var hæft í því. Kluivert sem er 28 ára gamall mun leika í treyju númer 11 hjá félaginu en það er treyjan sem Gary Speed lék í áður en hann er farinn frá félaginu.