“Alltaf súrt að tapa og sérstaklega á heimavelli. Keflvíkingarnir mættu öflugir til leiks og voru erfiðir í dag, en við náðum bara ekki að leysa það, við vorum mikið með boltann en náðum ekki að opna þá mikið. Þeir voru duglegir til baka, margir á bakvið boltann og okkur gekk illa að komast í færi og síðan sóttu þeir hratt með löngum boltum og settu okkur í vandræði þar nokkrum sinnum. En við náttúrulega klaufar, fáum á okkur mjög klaufalega mörk, það er það sem skilur að í lokin.”

Framarar hafa nú tapað tveimur leikjum í röð og eru sex stigum frá öðru sætinu. Þegar Nonni var spurður hvort það væri áhyggjuefni sagði hann:
“Nei það er ekkert áhyggjuefni, það er bara áfram gakk í þessu. Það eru níu leikir eftir og fullt af stigum í boði og þau verða að koma í hús ef þú ætlar að gera eitthvað. En það er engin pressa á að fara upp, auðvitað langar okkur að fara upp bara eins og öllum sem eru í þeirri stöðu að sjá kannski einhvern smá möguleika á því og við munum bara halda áfram og sjá hvað við náum mörgum stigum út úr þessum níu leikjum sem eru eftir. Svo eins og ég hef sagt áður er það stigataflan 21.september sem að skiptir máli í þessu.”

Viðtalið í heild sinni má sjá í sjónvarpinu hér að ofan.