Man Utd ætlar að selja Antony - Zirkzee til Arsenal?
   fim 21. september 2023 13:20
Guðmundur Aðalsteinn Ásgeirsson
Pistill: Pistlar á Fótbolta.net eru viðhorf höfundar og þurfa ekki endilega að endurspegla viðhorf vefsins eða ritstjórnar hans.
Mikil reynsla horfin á braut - Besta liðið fyrir morgundaginn?
Guðmundur Aðalsteinn Ásgeirsson
Sandra Sigurðardóttir.
Sandra Sigurðardóttir.
Mynd: Jónína Guðbjörg Guðbjartsdóttir
Glódís Perla og Karólína Lea.
Glódís Perla og Karólína Lea.
Mynd: Jónína Guðbjörg Guðbjartsdóttir
Sædís Rún er spennandi kostur.
Sædís Rún er spennandi kostur.
Mynd: Jónína Guðbjörg Guðbjartsdóttir
Sveindís Jane ógnar með hraða sínum og krafti.
Sveindís Jane ógnar með hraða sínum og krafti.
Mynd: Jónína Guðbjörg Guðbjartsdóttir
„Já," sagði Þorsteinn Halldórsson, landsliðsþjálfari, er hann var spurður að því á fréttamannafundi í dag hvort að hann væri búinn að ákveða hver myndi standa á milli stanganna gegn Wales í fyrsta leik í Þjóðadeildinni á morgun.

Það er líklega stærsta spurningin fyrir leikinn gegn Wales á morgun, en það eru ýmis spurningarmerki varðandi liðið þegar miklar breytingar hafa orðið á hópnum á síðastliðnu ári.

Sandra Sigurðardóttir er komin aftur inn í hópinn eftir að hafa byrjað aftur í fótbolta. Ef undirritaður væri sá sem væri að sjá um að velja byrjunarliðið, þá myndi Sandra byrja annað kvöld.

Sandra hefur ekki spilað mikinn fótbolta að undanförnu en þetta er keppnisleikur á morgun og hún virðist alltaf vera góð með landsliðinu. Hún er með gríðarlega reynslu og það er gott að treysta á hana. Mikil reynsla hefur horfið úr liðinu á skömmum tíma og þá er gott að vera með Söndru í hópnum.



Það hefur mikil reynsla horfið úr liðinu og það er ákveðið púsluspil að setja saman byrjunarlið. Það er áhugavert að rýna í það hvernig liðið getur verið.

Ef við höldum áfram að velja byrjunarliðið, þá er Glódís Perla Viggósdóttir alltaf í hjarta varnarinnar. Það er engin spurning þar sem hún er okkar mikilvægasti leikmaður. En hver verður með henni? Það eru möguleikar. Valið stendur aðallega á milli Ingibjargar Sigurðardóttir og Guðrúnar Arnardóttur ef við erum í fjögurra manna vörn.

Ingibjörg kemur af miklum krafti inn í þetta verkefni en hún er orðin fyrirliði Vålerenga í Noregi og skoraði í síðasta leik. Hún er í góðu formi og hefur verið að ná vel saman við Glódísi í þeim leikjum sem hún hefur verið að spila. Á þessari stundu væri hún kosturinn sem undirritaður myndi velja en það munar ekki miklu.

Guðný Árnadóttir hefur spilað vel í hægri bakverði í þeim leikjum sem hún hefur spilað í þeirri stöðu og þá yrði gaman að sjá Sædísi Rún Heiðarsdóttur í vinstri bakverði þar sem hún hefur verið að spila frábærlega í Bestu deildinni með Stjörnunni. Hún er mjög spennandi kostur í þá stöðu til framtíðar.

Hvernig væri að sprengja aðeins upp miðsvæðið og hafa tvær sóknarsinnaðar? Við erum að spila á móti Wales og af hverju ekki að sækja til sigurs? Það hefur mikil reynsla horfið af miðsvæðinu en Berglind Rós Ágústsdóttir yrði góður kostur í að verja varnarlínuna. Svo yrði gaman að sjá Amöndu Andradóttur og Karólínu Leu Vilhjálmsdóttur, sem eru báðar gríðarlega góðar í tækniþáttum leiksins, þar fyrir framan.

Selma Sól Magnúsdóttir hefur verið að spila frábærlega með Rosenborg á hægri kantinum og það yrði fróðlegt að sjá hana spila þar í þessum leik. Hún er þá líka góð í að sinna aðeins meiri varnarleik ef miðjan er sóknarsinnuð. Agla María Albertsdóttir býr yfir miklum gæðum sóknarlega og Sveindís Jane hefur burði í að vera stórhættuleg fremst á vellinum. Hún getur ógnað mikið með hraða sínum og krafti.

En hvernig verður svo byrjunarliðið? Það er möguleiki að Þorsteinn Halldórsson muni stilla upp þriggja manna vörn og það yrði áhugavert að sjá það. Ekki gekk það á móti Finnlandi en hver veit nema það gæti gengið betur á morgun.

Þetta verður allavega mjög athyglisvert en vonandi byrjar liðið á góðum sigri á heimavelli fyrir erfiðan leik í Þýskalandi í næstu viku.
Athugasemdir
banner
banner
banner
banner