0-1 Bernardo Silva ('21 )
0-2 Samet Akaydin ('28 , sjálfsmark)
0-3 Bruno Fernandes ('56 )
Portúgal eru með fullt hús stiga í F-riðlinum eftir 3-0 sigur í dag á Tyrkjum.
Portúgalar byrjuði leikinn vel og voru ekki lengi að taka forystuna þegar Bernado Silva kom boltanum í netið á 21. mínútu eftir smá barning í teignum.
Nokkrum mínútum síðar skoraði Samet Akaydin eitt skrautlegasta sjálfsmark mótsins þegar hann ætlaði að senda boltann niður á Bayindir í marki Tyrkja en hann var kominn vel út úr markinu og boltinn lak í netið.
Þar við sat í hálfleik, 2-0. Portúgalar kláruðu endanlega dæmið þegar Ronaldo og Bruno Fernandes sluppu einir í gegn. Ronaldo rennti honum til hliðar á Bruno sem kláraði færið og innsiglaði sigurinn fyrir Portúgala.
Alls ekki dagurinn hans Akaydin í dag en hann skoraði sjálfsmark, fékk gult og fór meiddur af velli.
Portúgal lenti ekki í miklum erfiðleikum með Tyrkina sem skoruðu eitt af skrautlegri sjálfsmörkum mótsins! ???????????????????? pic.twitter.com/wnDAtqCBGM
— RÚV Íþróttir (@ruvithrottir) June 22, 2024