England um helgina - Risaslagur á sunnudaginn

Búist er við spennandi viðureign þar sem bæði lið eru á svipuðu reiki um miðja úrvalsdeild.

Topplið Chelsea hefur morgundaginn á heimaleik gegn botnliði Norwich en verður án Timo Werner og Romelu Lukaku.

Everton mætir Watford á meðan Leeds tekur á móti Wolves. Jóhann Berg Guðmundsson og félagar í Burnley eiga útileik gegn Southampton og þá mætir Newcastle til leiks gegn Crystal Palace í sínum fyrsta leik eftir brottrekstur Steve Bruce.

Síðasti leikur dagsins er ekki af verri endanum þar sem Manchester City heimsækir Brighton. City er í þriðja sæti úrvalsdeildarinnar sem stendur, tveimur stigum fyrir ofan Brighton sem hefur farið gríðarlega vel af stað.

Á sunnudaginn eiga svo skemmtilegir nýliðar Brentford heimaleik gegn Leicester á meðan West Ham og Tottenham eigast við í Lundúna- og Evrópuslag.

Manchester United tekur á móti Liverpool í síðasta og jafnframt stærsta leik helgarinnar. Þessi lið eiga sér gríðarlega mikla sögu og er þetta kjörið tækifæri fyrir Man Utd til að brúa bilið á milli sín og toppliðanna.

Föstudagur:
19:00 Arsenal - Aston Villa

Laugardagur:
11:30 Chelsea - Norwich
14:00 Crystal Palace - Newcastle
14:00 Everton - Watford
14:00 Leeds - Wolves
14:00 Southampton - Burnley
16:30 Brighton - Man City

Sunnudagur:
13:00 Brentford - Leicester
13:00 West Ham - Tottenham
15:30 Man Utd - Liverpool