banner
   fös 22. nóvember 2019 14:00
Magnús Már Einarsson
Kristján Óli spáir í leiki helgarinnar á Englandi
Kristján Óli Sigurðsson og Magnús Gylfason.
Kristján Óli Sigurðsson og Magnús Gylfason.
Mynd: Fótbolti.net - Magnús Már Einarsson
Mourinho mætir aftur í ensku úrvalsdeildina um helgina.
Mourinho mætir aftur í ensku úrvalsdeildina um helgina.
Mynd: Getty Images
Marcus Rashford og Anthony Martial verða á skotskónum samkvæmt spá Kristjáns Óla.
Marcus Rashford og Anthony Martial verða á skotskónum samkvæmt spá Kristjáns Óla.
Mynd: Getty Images
Tómas Þór Þórðarson fékk tvo rétta þegar hann spáði í síðustu umferð í ensku úrvalsdeildinni.

Kristján Óli Sigurðsson, sérfræðingur í Dr. Football, spáir í leikina að þessu sinni.

West Ham 1 - 3 Tottenham (12:30 á morgun)
Jólin koma snemma í ár með endurkomu Jose í enska boltann. Hann er að taka við mjög góðu liði með fullt af frábærum leikmönnum og West Ham er í frjálsu falli. Harry Kane er næst besta nían í boltanum á eftir Lewandovski og setur tvö kvikindi.

Bournemoth 2 - 2 Wolves (15:00 á morgun)
Tvö mjög skemmileg lið á að horfa og þetta verður markaleikur þar sem King og Wilson skora fyrir heimamenn og Jimenez bæði fyrir gestina.

Arsenal 2 - 0 Southampton (15:00 á morgun)
Vonandi vinnur Arsenal þennan leik svo trúðurinn Emery verði lengur við völd þarna. Dýrlingarnir verða í fallbaráttu í allan vetur.

Brighton 1 - 2 Leicester (15:00 á morgun)
Brighton spila mun skemmtilegri fótbola undir stjórn Potter en þeir gerðu í fyrra. Því miður dugar það ekki gegn Jamie Vardy og félögum sem eru á öruggri siglingu í Champions League.

Crystal Palace 1 - 3 Liverpool (15:00 á morgun)
Hjartað segir heimasigur en Klopp lét marga af sínum bestu mönnum hringja sig inn meidda í landsleikhlénu og nýtur góðs af því í þessum leik. Gamla Liverpool goðsögnin Benteke setur sárabótamark fyrir heimamenn eftir að Salah, Mané og Uxinn hafa sett hann fyrir meistaraefnin úr Bítlaborginni.

Everton 3 - 1 Norwich (15:00 á morgun)
Everton er einfaldlega betra fótboltalið og Norwich hefur heldur betur fatast flugið eftir fljúgandi start. Pukki verður enn skítþunnur eftir að Finnar tryggðu sig á EM. Gylfi setur hann úr aukaspyrnu.

Watford 1 - 2 Burnley (15:00 á morgun)
Burnley er mitt lið nr. 2 í enska boltanum og án Jóa Berg ná þeir að kreista fram sigur með tveimur skallamörkum frá Woods og Barnes.

Manchester City 2 - 1 Chelsea (17:30 á morgun)
Þessi leikur veltur á því hvort Ederson verði klár í búrið hjá City ef ekki þá vinnur Chelsea. Ég hugsa að hann verði klár og heimamenn klári þetta í stórskemmtilegum leik.

Sheffield United 0 - 2 Manchester United (16:30 á sunnudag)
Chris Wilder og hans menn lenda sem betur fer á vegg á heimavelli á sunnudag. Rashford er sjóðandi þessa dagana og Martial nýtti landsleikafríið vel til aukaæfinga og setur síðasta naglann í kistu Sheffield manna.

Aston Villa 2 - 1 Newcastle (20:00 á mánudag)
Ég dýrka mánudagsleiki og þó þessi fari ekki í sögubækurnar fyrir gæði þá verða mörk og læti á Villa Park í Birmingham á mánudagskvöld.

Sjá fyrri spámenn:
Aron Einar Gunnarsson (7 réttir)
Pálmi Rafn Pálmason (6 réttir)
Jón Dagur Þorsteinsson (5 réttir)
Sóli Hólm (5 réttir)
Arnór Sigurðsson (4 réttir)
Ágúst Gylfason (4 réttir)
Logi Bergmann Eiðsson (4 réttir)
Þórður Ingason (4 réttir)
Guðmundur Benediktsson (3 réttir)
Ingibjörg Sigurðardóttir (3 réttir)
Sveinn Ólafur Gunnarsson (3 réttir)
Tómas Þór Þórðarson (2 réttir)
Stöðutaflan England Premier league - karlar
  L U J T ms: mf: mun Stig
1 Arsenal 28 20 4 4 70 24 +46 64
2 Liverpool 28 19 7 2 65 26 +39 64
3 Man City 28 19 6 3 63 28 +35 63
4 Aston Villa 29 17 5 7 60 42 +18 56
5 Tottenham 28 16 5 7 59 42 +17 53
6 Man Utd 28 15 2 11 39 39 0 47
7 West Ham 29 12 8 9 46 50 -4 44
8 Brighton 28 11 9 8 50 44 +6 42
9 Wolves 28 12 5 11 42 44 -2 41
10 Newcastle 28 12 4 12 59 48 +11 40
11 Chelsea 27 11 6 10 47 45 +2 39
12 Fulham 29 11 5 13 43 44 -1 38
13 Bournemouth 28 9 8 11 41 52 -11 35
14 Crystal Palace 28 7 8 13 33 48 -15 29
15 Brentford 29 7 5 17 41 54 -13 26
16 Everton 28 8 7 13 29 39 -10 25
17 Luton 29 5 7 17 42 60 -18 22
18 Nott. Forest 29 6 7 16 35 51 -16 21
19 Burnley 29 4 5 20 29 63 -34 17
20 Sheffield Utd 28 3 5 20 24 74 -50 14
Athugasemdir
banner
banner
banner
banner