Víðir Sig: Jafnaði 58 ára gamalt félagsmet og Finnar geta ekki skorað

Markamet Vals í Evrópukeppni var jafnað í kvöld. Finnsk lið geta bara ekki skorað gegn íslenskum liðum í Evrópuleikjum. Stjarnan heldur áfram að vinna heimaleikina og í kvöld vannst 150. sigurinn í sögu íslenskra karlaliða í Evrópukeppni.

Valur lagði Zrinjski Mostar frá Bosníu að velli, 1-0 á Hlíðarenda, Stjarnan sigraði Ilves frá Finnlandi, 1-0, í Garðabæ og Vestramenn skoruðu sitt fyrsta mark í Evrópukeppni þegar þeir töpuðu 4-1 fyrir RFS Ríga í Lettlandi.