Kristian Nökkvi Hlynsson og hans menn í Ajax töpuðu fyrir AZ Alkmaar, 2-0, í hollensku úrvalsdeildinni í dag, en Ajax er nú án sigurs í síðustu fjórum leikjum sínum.
Landsliðsmaðurinn var eins og venjulega í byrjunarliði Ajax á meðan enski landsliðsmaðurinn Jordan Henderson sat á bekknum.
Ruben van Bommel, sonur hollensku goðsagnarinnar Mark van Bommel, skoraði bæði mörk AZ í leiknum.
Kristian fór af velli á 80. mínútu leiksins og þá kom Henderson ekkert við sögu.
AZ er í 4. sæti deildarinnar með 42 stig, nú stigum stigum á undan Ajax sem er í 5. sætinu.
Alfreð Finnbogason og Guðlaugur Victor Pálsson spiluðu báðir í 2-0 tapi Eupen gegn Cercle Brugge í belgísku úrvalsdeildinni. Guðlaugur var í byrjunarliðinu en Alfreð kom inn af bekknum í síðari hálfleik.
Eupen hefur nú tapað fimm deildarleikjum í röð og er í næst neðsta sæti með 21 stig, þremur stigum frá botninum.
Athugasemdir
