Ítalíumeistarar Juventus bíða nú eftir almennilegu tilboði í argentíska framherjann Gonzalo Higuain sem endaði tímabilið á láni hjá Chelsea.
Higuain er í eigu Juventus en spilaði með AC Milan fyrir áramót áður en að hann skipti yfir til Englands.
Higuain er samningsbundinn Juventus til 2021 en hann er ekki í plönum Maurizio Sarri, nýráðins þjálfara liðsins.
Félög í Kína eru sögðu áhugasöm um leikmanninn en Higuain telur sig geta fengið stærri klúbb á þessum tímapunkti ferilsins. Leikmaðurinn er 31 árs gamall.
Juventus er sagt vilja krækja í Mauro Icardi í sumarglugganum en hann spilar með Inter Milan.
Athugasemdir