Malen, Maguire, Rashford, Greenwood, Yoro, Eriksen og fleiri góðir í slúðri dagsins
   lau 27. maí 2023 23:56
Brynjar Ingi Erluson
Dagný valin Hamar ársins - „Heiður að hljóta þessa viðurkenningu“
Dagný Brynjarsdóttir
Dagný Brynjarsdóttir
Mynd: West Ham
Íslenska landsliðskonan Dagný Brynjarsdóttir var valin besti leikmaður kvennaliðs West Ham á þessari leiktíð en frá þessu er greint á heimasíðu félagsins í dag.

Dagný, sem fékk fyrirliðabandið fyrir tímabilið, skoraði ellefu mörk fyrir West Ham á leiktíðinni er liðið hafnaði í 8. sæti WSL-deildarinnar.

Hún spilaði 27 leiki í öllum keppnum og völdu stuðningsmenn West Ham hana sem besta leikmann tímabilsins eða Hamar ársins.

Þúsundir stuðningsmanna tóku þátt í valinu og völdu hana besta en Kate Longhurst var í öðru og Lisa Evans í þriðja.

„Heiður að fá þessa viðurkenningu. Ég vil þakka ykkur öllum fyrir stuðninginn á tímabilinu, hann skipti mig miklu máli. Þessi síðari hluti tímabilsins var ekki eins og við vildum hafa hann en gott að enda tímabilið með því að spila góðan fótbolta í dag. Hlakka til að hefja nýtt tímabil,“ sagði Dagný á Twitter í kvöld.


Athugasemdir
banner
banner
banner
banner