Pedro Porro verður nýr leikmaður Tottenham fyrir gluggalok. Fabrizio Romano greinir frá þessu.
Porro er að spila síðasta leik sinn með Sporting CP í Portúgal áður en hann flýgur til London til að gangast undir læknisskoðun.
Porro er á sínum stað í byrjunarliði Sporting sem er að spila úrslitaleik deildabikarsins við Porto. Porro er hægri vængbakvörður en staðan er 0-1 fyrir Porto í leikhlé þrátt fyrir að Sporting hafi fengið fleiri marktækifæri.
Romano greinir frá því að Porro mun skrifa undir samning við Tottenham sem gildir til 2028. Kaupverðið er óuppgefið en talið vera nálægt 45 milljón evra riftunarákvæði Porro.
Hjá Tottenham mun Porro berjast við Emerson Royal og Matt Doherty um byrjunarliðssæti í hægri vængbakverði á meðan Djed Spence verður líklegast lánaður út fyrir gluggalok.
Here’s Pedro Porro saying goodbye to Sporting fans after his final game with the Portuguese club ???????????? #THFC
— Fabrizio Romano (@FabrizioRomano) January 28, 2023
Tottenham reached an agreement with Sporting tonight — still waiting to get it signed soon. pic.twitter.com/ogKVWKOcw6