Þrír Danir gera samninga við Vestra (Staðfest)

Danirnir gera tveggja ára samninga við ísfirska félagið og heita þeir Morten Hansen, Mikkel Jakobsen og Gustav Kjeldsen.

Morten Ohlsen Hansen er 29 ára varnarmaður sem lék með Kórdrengjum á síðustu leiktíð og skoraði tvö mörk í átta leikjum í Lengjudeildinni.

Mikkel Jakobsen er 23 ára sóknartengiliður sem skoraði tvö mörk í 26 leikjum með Leikni R. í Bestu deildinni í fyrra.

Að lokum er Gustav Kjeldsen 23 ára varnarmaður sem lék síðast fyrir HB Torshavn í Færeyjum.

Danirnir þrír eru væntanlegir til landsins næsta sunnudag.

„Stjórn meistaraflokks Vestra bindur miklar vonir við þessa dönsku innreið í klúbbinn og hlökkum við til að sjá þá í búningnum bláa," segir meðal annars í tilkynningu frá Vestra.