Mjólkurbikarinn: Dagur Hammer með tvennu í sigri Leiknis - Mæta bikarmeisturunum

KFA og Leiknir eru komin áfram í 32-liða úrslit Mjólkurbikarsins eftir sigra í dag.

Lengjudeildarlið Leiknis fékk 5. deildarlið Smára í heimsókn. Staðan var markalaus í hálfleik en Axel Freyr Harðarson kom Leikni yfir snemma í seinni hálfleik.

Dagur Ingi Hammer Gunnarsson bætti öðru markinu við stuttu síðar og innsiglaði síðan sigurinn þegar rúmlega stundafjórðungur var til loka venjulegs leiktíma. Leiknir heimsækir ríkjandi bikarmeistara Vestra í 32-liða úrslitum.

KFA, sem leikur í 2. deild í sumar, vann Sindra sem leikur í 3. deild. KFA heimsækir Lengjudeildarlið Fylkis í 32. liða úrslitum.