Það vakti athygli fyrir leik Marseille og Manchester City í Meistaradeildinni í gær að ekki allir leikmenn krupu á kné.

Leikmenn víðsvegar í heiminum hafa kropið á kné áður en leikar hefjast síðustu mánuði. Þessu taka áhorfendur eftir og er þetta hefð sem einhverjar deildir halda í.

Athöfnin er stuðningur við Black Lives Matter. Fyrir alla leiki í ensku úrvalsdeildinni, svo dæmi sé tekið, krjúpa allir leikmenn á kné.

Samkvæmt umfjöllun Sportsbible í gærkvöldi þá er ekki lengur haldið í þessa hefð í frönsku deildinni og þess vegna krupu leikmenn Marseille ekki í gær. Dómarinn og leikmenn City hins vegar gerðu það.

Manchester City vann leikinn 0-3 með mörkum frá Ferran Torres, Raheem Sterling og Ilkay Gundogan.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit