Bjarki Örn Brynjarsson hefur skrifað undir sinn fyrsta samning við HK og heldur beint til Nottingham Forest á reynslu.
Bjarki er bráðefnilegur sóknarmaður fæddur 2010 og því aðeins á fimmtánda aldursári en er þrátt fyrir það með tvö mörk skoruð í fimm leikjum fyrir yngri landslið Íslands.
Hann gerir þriggja ára samning við HK og hefur æft með U16 og U18 liðum Forest síðustu vikuna, þar sem hann keppti með U16 liðinu gegn Sheffield Wednesday.
„Við erum gríðarlega stolt af Bjarka og verður spennandi að fylgjast með honum á næstunni," segir í tilkynningu frá HK.
Athugasemdir
