Tottenham að landa Senesi

Bournemouth reyndi í vetur að fá Senesi til að skrifa undir nýjan samning en gafst upp eftir að hann hafnaði þriðja tilboði félagsins og fór að ræða við aðra klúbba.

Senesi á þrjá landsleiki fyrir Argentínu og allt stefnir í að hann verði áfram í ensku úrvalsdeildinni. Hann lék alla leiki Bournemouth, fyrir utan einn, í deildinni á þessu tímabili en liðið hafnaði í sjötta sæti og tryggði sér þátttökurétt í Evrópu.

Senesi hefur verið fjögur ár hjá Bournemouth og leikið 128 leiki síðan hann kom frá Feyenoord í Hollandi 2022.

Tottenham hafnaði í 17. sæti ensku úrvalsdeildarinnar og náði að bjarga sér frá falli eftir að Roberto De Zerbi tók við liðinu. Félagið hyggst styrkja sig í sumar til að forðast það að lenda aftur í sömu vandræðum.