Fá loksins frí - „Ég verð á æfingasvæðinu ef fólk vill æfa"

„Mér fannst þetta vera nokkuð sanngjarn sigur. Mér fannst við töluvert sterkari í fyrri hálfleiknum. Við vorum meira með boltann og sköpuðum okkur fleiri hættuleg færi. Svo komum við út í seinni hálfleikinn, smá kæruleysi í markinu sem við fáum á okkur. En það vekur okkur upp og þá komum við og skorum annað markið snemma sem var mikilvægt. Þá fylgja flóðgáttir eftir það," sagði Anton Ingi um gang leiksins.

„Ég myndi segja að það væri nokkuð gott sjálfstraust í liðinu. Sérstaklega eftir fyrstu níu umferðirnar. Að vera búnar að taka fjórar stöðvar og ná í 12 stig úr þeim. Ekki annað hægt að segja að það sé gott sjálfstraust í liðinu."

U19 landslið lék á lokakeppni EM í lok júní og byrjun júlí. Þá varð stopp á deildinni sem Fram nýtti til þess að æfa í stað þess að taka sér frí. Síðan þá hefur liðið unnið fjóra deildarleiki í röð. Liðið fær hins vegar frí um Verslunarmannahelgina. „Það er valkvætt. Það verða þrír dagar en ég verð á æfingarsvæðinu ef fólk vill æfa. Ég verð í bænum þannig að það stendur til boða," sagði Anton Ingi að lokum.