Venni: Alltaf einhverjar klisjur en mörk breyta leikjum

„Þetta var stórslagur og mikið undir" sagði Sigurvin Ólafsson þjálfari Þróttar eftir sigurinn í kvöld.

„Mér fannst Afturelding byrja betur, fyrstu fimmtán mínúturnar. Ekkert eitthvað mikið betur en við vorum í smá basli með að klukka þá" 

„Gerðum smá breytingar bara 'in game', breytum aðeins um taktík og settum svo bara í gang. Náum að komast yfir og hamra járnið á meðan við vorum í smá stuði" 

Þróttur komst yfir með marki eftir vítaspyrnu og eftir það tóku Þróttarar yfir leikinn.

„Þetta eru alltaf einhverjar klisjur en mörk breyta leikjum en það er þægilegra að komast í forystu og þurfa ekki að elta geta þá aðeins beðið eftir þeim" 

„Afturelding er frábært lið og ofsalega vel spilandi. Það er erfitt að taka boltann af þeim þannig það er ágætt að vera komnir yfir og þá þurftu þeir náttúrlega aðeins að stíga fram völlinn og taka kannski einhverja smá sénsa sem að við náðum að nýta mjög vel þegar við komumst í skyndisóknir" sagði Sigurvin Ólafsson.

Nánar er rætt við Sigurvin Ólafsson í spilaranum hér fyrir ofan.