Tveir miðverðir orðaðir við Liverpool - Graham Potter næsti landsliðsþjálfari Englands? - Arsenal líklegast til að fá Merino - Man City vill fá...
banner
föstudagur 19. júlí
Lengjudeild kvenna
miðvikudagur 17. júlí
Fótbolti.net bikarinn
mánudagur 15. júlí
Besta-deild karla
sunnudagur 14. júlí
Úrslitaleikur EM
Besta-deild karla
föstudagur 12. júlí
Undankeppni EM kvenna
þriðjudagur 9. júlí
Forkeppni Meistaradeildarinnar
mánudagur 8. júlí
2. deild karla
Besta-deild karla
Lengjudeild karla
mánudagur 1. júlí
Lengjudeild kvenna
laugardagur 29. júní
Mjólkurbikar kvenna
mánudagur 24. júní
2. deild karla
miðvikudagur 19. júní
Besta-deild karla
Fótbolti.net bikarinn
Lengjudeild karla
mánudagur 17. júní
Fótbolti.net bikarinn
sunnudagur 16. júní
Besta-deild kvenna
þriðjudagur 16. júlí
Engin úrslit úr leikjum í dag
þri 30.apr 2024 14:00 Mynd: Fótbolti.net - Raggi Óla
Magazine image

Spá þjálfara og fyrirliða fyrir Lengjudeildina: 1. sæti

Fótbolti.net kynnir liðin sem leika í Lengjudeildinni í sumar eitt af öðru eftir því hvar þeim er spáð. Við fengum alla fyrirliða og þjálfara í deildinni til að spá fyrir sumarið og fengu liðin stig frá 1-11 eftir því en ekki var hægt að spá fyrir sínu eigin liði. Aftureldingu er spáð toppsætinu.

Aftureldingu er spáð toppsætinu.
Aftureldingu er spáð toppsætinu.
Mynd/Raggi Óla
Magnús Már Einarsson, þjálfari Aftureldingar.
Magnús Már Einarsson, þjálfari Aftureldingar.
Mynd/Fótbolti.net - Hafliði Breiðfjörð
Oliver Bjerrum Jensen sneri aftur frá Danmörku.
Oliver Bjerrum Jensen sneri aftur frá Danmörku.
Mynd/Fótbolti.net - Hafliði Breiðfjörð
Aron Jóhannsson er frábær miðjumaður í Lengjudeildinni.
Aron Jóhannsson er frábær miðjumaður í Lengjudeildinni.
Mynd/Fótbolti.net - Haukur Gunnarsson
Elmar Kári Enesson Cogic er virkilega hæfileikaríkur leikmaður.
Elmar Kári Enesson Cogic er virkilega hæfileikaríkur leikmaður.
Mynd/Fótbolti.net - Hafliði Breiðfjörð
Arnar Daði Jóhannesson fær traustið í markinu.
Arnar Daði Jóhannesson fær traustið í markinu.
Mynd/Raggi Óla
Aron Elí Sævarsson, fyrirliðinn.
Aron Elí Sævarsson, fyrirliðinn.
Mynd/Fótbolti.net - Hafliði Breiðfjörð
Hvað gerir Afturelding í sumar?
Hvað gerir Afturelding í sumar?
Mynd/Raggi Óla
Spáin:
1. Afturelding, 223 stig
2. Þór, 210 stig
3. Keflavík, 205 stig
4. ÍBV, 176 stig
5. Grindavík, 154 stig
6. Fjölnir, 146 stig
7. Leiknir R., 143 stig
8. Þróttur R., 87 stig
9. Grótta, 83 stig
10. Njarðvík, 68 stig
11. ÍR, 66 stig
12. Dalvík/Reynir, 23 stig

1. Afturelding
Síðasta sumar situr örugglega enn smávegis í Mosfellingum. Liðið var á toppnum með góða forystu lengi vel, en það tapaðist niður á seinni hluta tímabilsins. Afturelding endaði að lokum í öðru sæti og það hefði dugað fyrir sæti í Bestu deildinni öll önnur tímabil, en það var komið nýtt fyrirkomulag - umspilið. Afturelding fór í gegnum Leikni í umspilinu en tapaði í úrslitaleiknum gegn Vestra á Laugardalsvelli. Það var eflaust erfitt að jafna sig á þessu, en samkvæmt þjálfurum og fyrirliðum er Afturelding líklegasta liðið til að fara beint upp í sumar.

Þjálfarinn: Heimamaðurinn Magnús Már Einarsson er á leið inn í sitt fimmta tímabil sem þjálfari Aftureldingar. Magnús er í flokki með yngri þjálfurunum í boltanum og er spennandi að fylgjast með því hvort liðið taki næsta skref undir hans stjórn í sumar, með því að komast upp. Afturelding spilar virkilega skemmtilegan fótbolta undir stjórn Magga og gaman er að mæta á völlinn í Mosfellsbæ.

Baldvin Már Borgarsson, þjálfari Árbæjar, er sérfræðingur Fótbolta.net fyrir Lengjudeildina. Hann fer yfir liðin; þeirra styrkleika, veikleika og fleira. Í fyrra var hann aðstoðarþjálfari Ægis í Lengjudeildinni og þekkir hann því hana býsna vel.
Mynd: Fótbolti.net - Hafliði Breiðfjörð

Baldvin Már Borgarsson.

Styrkleikar: Liðið sem er komið hvað lengst í sínu verkefni undir Magga og Enes; spila virkilega skemmtilegan fótbolta og dóminera langflesta leiki.

Veikleikar: Hafa misst út mikla reynslu í Yevgen og Rasmus í öftustu línu. Spurning hvernig það kemur út í sumar.

Lykilmenn:
Oliver Bjerrum Jensen - Var frábær í fyrra og þarf hann að eiga gott tímabil ef Mosfellingar ætla að ná sínum markmiðum.

Aron Jóhannsson - Sá íslenski er mættur í Pizzabæinn, verður algjör lykilmaður í hinum umtalaða Maggiball.

Elmar Kári Enesson Cogic - Stimplaði sig inn sem einn besti leikmaður deildarinnar í fyrra. Þetta verður 100% hans síðasta tímabil í Lengjudeild. Ef Eldingin klúðrar því aftur að fara upp þá mæta sirka tólf lið úr Bestu deildinni með veskið í Mosfellsbæinn.

Fylgist með: Arnar Daði Jóhannesson, unglingalandsliðsmarkmaður sem fær traustið í sumar. Mjög efnilegur og spennandi strákur.

Komnir:
Aron Jóhannsson frá Fram
Aron Jónsson frá Brann
Hrannar Snær Magnússon frá Selfossi
Oliver Bjerrum Jensen alfarði frá Danmörku (var á láni)
Sigurpáll Melberg Pálsson frá Danmörku
Valgeir Árni Svansson frá Leikni
Patrekur Orri Guðjónsson frá Hvíta riddaranum (var á láni)

Farnir:
Ásgeir Marteinsson í Þrótt Vogum
Ásgeir Frank Ásgeirsson í Hvíta riddarann
Hjörvar Sigurgeirsson í Hött/Huginn
Hrafn Guðmundsson í KR
Ivo Braz til Portúgals
Jökull Jörvar Þórhallsson í Hvíta riddarann
Rasmus Christiansen til ÍBV
Rúrik Gunnarsson til KR (var á láni)



Dómur Badda fyrir gluggann: 7
Missa mikla reynslu og góða leikmenn en fylla upp ágætlega upp á móti, plúsinn hækkar aðeins við að krækja í heimamenn heim.

Fyrstu þrír leikir Þórs
3. maí, Afturelding - Grótta (Malbikstöðin að Varmá)
9. maí, Þór - Afturelding (VÍS völlurinn)
20. maí, Keflavík - Afturelding (HS Orku völlurinn)

Í besta og versta falli að mati Badda: Í besta falli vinna þeir deildina og í versta falli enda þeir í þriðja sæti.
Athugasemdir
banner