Kári Sigfússon rær á önnur mið
Kári Sigfússon
Mynd: Fótbolti.net - Hafliði Breiðfjörð
Kári Sigfússon
Mynd: Fótbolti.net - Hafliði Breiðfjörð
Kári Sigfússon sem leikið hefur lykilhlutverk í liði Keflavíkur undanfarin tvö tímabil er á leið burt frá félaginu samkvæmt heimildum Fótbolta.net. Samningur Kára rennur út nú um áramótin og mun leikmaðurinn róa á önnur mið að sögn heimildarmanna.
TENGT EFNI
Félög í Bestu deildinni hafa áhuga á Kára - Kom að 18 mörkum í sumar
Kári sem gekk til liðs við Keflavík frá Þrótti Vogum fyrir tímabilið 2024 hefur á tíma sínum hjá Keflavík leikið 52 leiki í deild og bikar og skorað alls 20 mörk.
Hann var mikilvægur hlekkur í liði Keflavíkur síðastliðið sumar er liðið tryggði sér sæti í Bestu deildinni á næsta tímabili með sigri á HK í úrslitaleik og var meðal annars valin besti leikmaðurinn á lokahófi félagsins nú í haust.
Heimildir Fótbolta.net herma að áhugi sé á starfskröftum Kára hjá nokkrum félögum í Bestu deildinni og hafa Valur, Stjarnan og Fram verið nefnd auk þess að Afturelding sem féll úr Bestu deildinni nú í haust hafi áhuga. Það er þó alls óvíst hvort Kári, sem er uppalinn hjá Fylki, komi til með að leika á Íslandi á komandi sumri þar sem áhugi mun einnig vera fyrir hendi frá liðum í Danmörku og Finnlandi.
