31.08.04 - 18:47
Elvar Geir Magnússon
Mezague til Portsmouth (Staðfest)
Portsmouth hefur fengið landsliðsmann frá Kamerún til liðs við sig. Það er miðjumaðurinn Valery Mezague sem er 21.árs og verður á láni hjá Portsmouth út leiktímabilið frá franska liðinu Montpellier. Innifalið í samningnum er að Portsmouth fær forkaupsrétt á leikmanninum.
"Hann er mjög sterkur og ungur miðjumaður sem mun auka breidd okkar á því svæði. Samkeppnin um stöður á miðjunni mun verða harðari og við verðum komnir með mjög sterkt lið þegar Amdy Faye og Aliou Cisse geta farið að spila á ný." sagði Harry Redknapp framkvæmdarstjóri Portsmouth í dag.
