Heimild: BBC
Jamie Carragher, varnarmaður Liverpool, verður frá keppni í einhverjar vikur en hann fór úr axlarlið í 2-1 tapinu gegn Tottenham í dag.
Carragher fór meiddur af velli undir lokin, rétt áður en Aaron Lennon skoraði sigurmark Tottenham.
,,Þetta er mjög slæmt. Það eru vonbrigði að þetta gerist í 450.leik hans í úrvalsdeildinni," sagði Roy Hodgson stjóri Liverpool.
Steven Gerrard, fyrirliði Liverpool, er einnig frá keppni í augnablikinu vegna meiðsla aftan í læri og Liverpool verður án hans og Carragher í næstu leikjum.