Heimild: Sporting Life
Mancini á hliðarlínunni gegn Stoke.
Roberto Mancini knattspyrnustjóri Manchester City segir að hann hafi hringt í Tony Pulis kollega sinn hjá Stoke City og beðið hann afsökunar á að hafa ekki tekið í hönd hans í síðustu viku.
Mancini hafði verið ósáttur í leiknum sem fór fram á Brittania leikvangi Stoke og endaði með markalausu jafntefli. Hann neitaði líka að ræða við fjölmiðla eftir 1-1 jafnteflið sem varð til þess að Manchester United tók þriggja stiga forskot á toppnum.
,,Ég talaði við Tony Pulis," sagði Mancini í gær. ,,Þegar ég sneri mér við var hann farinn inn í búningsklefann en ég talaði við hann í símann. Það var ekkert vandamál, ég baðst afsökunar."
,,Ég var reiður því við unnum ekki leikinn, en ekki út í Tony. Ég var nærri vellinum því ég vildi tala við dómarann. Þegar ég sneri mér við var Tony kominn inn í búningsklefa."
,,Ég fór inn í búningsklefann og eftir leikinn fór ég til Ítalíu. Ég hitti hann ekki. Ég útskýrði þetta fyrir honum þegar ég hringdi í hann."
Athugasemdir
