,,Auðvitað bara mjög ánægjulegt að ná sigri og mér fannst við ákveðnari og grimmari og svona, vorum búnir að skipuleggja vel hvernig við ætluðum að fara inn í þennan leik," sagði Eysteinn Húni Hauksson, þjálfari Hattar, eftir óvæntan sigur liðsins á Þrótti í fyrstu umferð 1. deildar.
,,Mér fannst þeir í rauninni ekki eiga mikið af sénsum, þetta gekk eiginlega alveg 100 prósent upp."
,,Mér fannst þeir í rauninni ekki eiga mikið af sénsum, þetta gekk eiginlega alveg 100 prósent upp."
Þetta var fyrsti leikur Hattar í 1. deild á Íslandi frá stofnun félagsins og því umtalsvert að liðinu hafi tekist að sigra Þrótt á útivelli.
,,Þetta er alveg frábær byrjun og frábærlega gaman að sjá svona marga Hattara sameinast um liðið og það er markmiðið okkar að reyna að vera okkar heimabæ til sóma í þessu og þetta er fín byrjun á því."
Félagsskiptaglugginn fer að loka og er Höttur á höttunum eftir góðum hafsent.
,,Við höfum verið að skoða með hafsent en það er dálítið erfitt. Við viljum fá mann sem er betri en sá sem við eigum fyrir og við verðum að eiga fyrir honum líka og það er erfitt að láta það dæmi ganga upp eins og staðan er núna. Við erum samt að skoða.
,,Hann náttúrulega kemur bara í gær og fer á eina æfingu og við köstum honum inn í þetta. Hann fékk bara nöfnin á öftustu fjórum á blaði eftir æfinguna í gær," sagði Eysteinn svo um nýja markvörð liðsins sem kom beint frá Millwall á Englandi og spilaði allan leikinn á móti Þrótti.
Athugasemdir