Þórarinn Máni Borgþórsson
,,Jájá, við misstum mann útaf og þetta var erfitt í lokin. Ef við hefðum verið ellefu þá hefðum við unnið þennan leik allan tímann," sagði Þórarinn Máni Borgþórsson, leikmaður Hattar eftir leik liðsins við Hauka í dag.
Höttur og Haukar gerðu markalaust jafntefli í dag á Egilsstöðum, en Höttur er ný komið upp um deild og hefur farið vel af stað og er með fjögur stig eftir tvo leiki.
,,Ég er spenntur fyrir framhaldinu. Við vitum að við erum ekki verri en hin liðin í þessari deild þó svo spáin segir það, þannig við ætlum bara að sýna það að við erum alveg jafn góðir og hin liðin."
,,Ef Stebbi ætlar að fá mikið af rauðum spjöldum þá á þetta eftir að vera erfitt, en jájá við erum alveg með nógu breiðan og flottan hóp og það kemur maður í manns stað," sagði Þórarinn ennfremur.
Hægt er að sjá viðtalið í heildinni í sjónvarpinu hér að ofan.
