„Við pressuðum þá stíf eftir hlé en að mínu mati var margt sem við hefðum getað gert betur. Við hefðum getað stolið sigrinum en það tókst ekki. Blikarnir vörðust vel allan leikinn.“

„Það er voða auðvelt að segja að þeir hafi kortlagt okkur vel úr því að þeir náðu jafntefli. Þeir komu hingað til að sækja stig og fögnuðu því vel. Hefðum við unnið þá hefði okkur eflaust verið hampað fyrir að hafa kortlagt þá vel. Þeir voru fínir í fyrri en við spiluðum þá sundur og saman í þeim síðari meðan jafnmargir voru inn á vellinum og jafnvel eftir það líka.“

Stefáni Loga Magnússyni, markverði KR, var vikið af leikvelli um miðbik síðari hálfleiksins eftir að hann tók Elfar Árna Aðalsteinsson niður á miðjum vallarhelmingi KR. Dómurinn þótti afar umdeildur af hálfu margra.

„Þetta var aldrei rautt spjald. Stefán ætlaði að sparka boltanum í burtu og var ekki einu sinni aftasti maður. Aron Bjarki var við hliðina á honum og þeir voru að rífast um hver ætti að taka hann. Hann hitti ekki boltann og þeir skullu saman. Ef þetta er brot þá er það bara brot en ekkert meira en það.“

„Þið getið afskrifað okkur en við gerum það ekki. Við gerum okkar besta í að halda áfram. Það er fullt af leikjum og stigum eftir. Vissulega er þetta erfið brekka en við gefumst ekki upp. Það er ekki möguleiki.“

Viðtalið má sjá í heild sinni hér að ofan.