Hörður Björgvin Magnússon er í byrjunarliði Cesena sem leikur ansi mikilvægan leik gegn Chievo í botnbaráttu ítölsku A-deildarinnar í dag.
Á morgun fer Hörður síðan í flug til Belgíu en hann var valinn í íslenska landsliðshópinn sem mætir Belgum og Tékkum.
Á morgun fer Hörður síðan í flug til Belgíu en hann var valinn í íslenska landsliðshópinn sem mætir Belgum og Tékkum.
„Þetta hefur verið stefnan lengi og það er heiður fyrir mig að vera valinn í þennan góða og glæsilega hóp," sagði Hörður í viðtali í útvarpsþættinum Fótbolti.net í gær.
Hörður hefur verið að spila nokkrar stöður fyrir Cesena á tímabilinu.
„Ég er hafsent en ég get leyst ýmsar stöður, eins og til dæmis vinstri bakvörð. Það er ekkert mál. Ég er tilbúinn að spila þar sem ég fæ tækifæri."
Hörður þarf væntanlega að ganga í gegnum hina frægu nýliðavígslu með landsliðinu en hún gengur út á að syngja fyrir framan hópinn. Hörður opinberaði í viðtalinu að hann sé tilbúinn undir það og mun leita í smiðju Fóstbræðra. Hann ætlar að syngja Þriðjudagskvöld með Gleðisveitinni Partý.
Hægt er að hlusta á viðtalið við Hörð í spilaranum hér að ofan en við látum lagið að sjálfsögðu fylgja með hér að neðan.
Athugasemdir