Í gær bárust fréttir af því að framherjinn reyndi, Garðar Jóhannsson, værin genginn í raðir KR.
Garðar hætti hjá Fylki eftir síðasta tímabil og gekk til liðs við KFG í 3. deildinni. Hann hefur hins vegar nú gengið í raðir KR.
Garðar hætti hjá Fylki eftir síðasta tímabil og gekk til liðs við KFG í 3. deildinni. Hann hefur hins vegar nú gengið í raðir KR.
Hinn 36 ára gamli Garðar hóf æfingar með KR í vikunni en hann þekkir til í Vesturbænum eftir að hafa leikið með KR-ingum frá 2003 til 2006. Willum Þór Þórsson þjálfaði KR 2003 og 2004 líkt og núna.
„Ég ákvað að fara í KFG af því ég var beðinn um það af félögum mínum, en svo var mér bara boðið að mæta á æfingu hjá KR og svo skipti ég yfir í KR," sagði Garðar í viðtali við útvarpsþáttinn Fótbolti.net á X-inu FM 9,77 í morgun.
Gaðar samdi við KFG eftir síðasta tímabil, en hann segir að það hafi alltaf blundað í sér að fara eitthvað annað.
„Það blundaði alltaf í mér að fara eitthvert annað og svo þegar KR kemur þá segir maður ekki nei," segir Garðar sem þekkir Willum, þjálfara KR, vel. „Willum er toppþjálfari og góður maður og hann hafði klárlega áhrif á þessa ákvörðun hjá mér."
Garðar er 36 ára gamall, en sjálfur stefnir hann á að spila sem mest.
„Maður stefnir alltaf að því (að spila mikið), maður fer ekki bara í þetta til að vera með. Annað hvort er maður 100% í þessu eða ekki. Ég er bara einn af leikmönnunum og það kemur bara í ljós hvernig það verður."
Hlustaðu á viðtalið við Garðar í spilaranum hér að ofan en þar ræða Elvar Geir Magnússon og Tómas Þór Þórðarson einnig um leik Íslands og Síle sem fram fer á morgun og um meiðsli Kolbeins Sigþórssonar.
Athugasemdir