Með sigrinum varð Lincoln fyrsta utandeildarliðið í 103 ár til þess að komast í 8-liða úrslit bikarsins, en síðasta lið til þess að gera það sama var QPR árið 1914.

Þrátt fyrir að lifa í draumi þarf Lincoln City að snúa aftur til raunveruleikans því næst bíða þeirra lið North Ferriby í utandeildinni.

Lincoln situr í efsta sæti utandeildarinnar og getur því unnið sig aftur í ensku deildarkeppnina en þar voru þeir síðast tímabilið 2010-11.

„Einbeitningin er á Ferriby. Það er sannleikurinn," sagði Danny Cowley, stjóri Lincoln.

Til þess að komast í 8-liða úrslit bikarsins hefur Lincoln þurft að fara í gegnum 6 umferðir í bikarnum! Sem dæmi hafa Manchester United og Chelsea aðeins farið í gegnum þrjár umferðir.

Dregið var í 8-liða úrslitin í kvöld mætir Lincoln annað hvort utandeildarliði Sutton eða stórliði Arsenal.