Gary Cahill, varnarmaður Chelsea, er mjög tæpur vegna veikinda en markvörðurinn Thibaut Courtois hefur jafnað sig af ökklameiðslum sem gerðu það að verkum að hann missti af leiknum gegn Manchester United í síðustu viku.

Marcos Alonso var veikur þegar sá leikur fór fram en snýr væntanlega aftur.

Hugo Lloris, markvörður Spurs, spilar líklega sinn fyrsta FA-bikarleik síðan 2014 þar sem Michel Vorm er meiddur á hné.

Danny Rose er farinn aftur að æfa eftir hnémeiðsli en verður ekki með í þessum leik.

Leikurinn verður sýndur beint á Stöð 2 Sport 2.