Hann hefur verið sterklega orðaður við Manchester City og nú hefur hann kryddað þennan orðróm með ummælum um Guardiola, sem hefur verið stjóri Man City undanfarið ár.

„Hef ég beðið um að fá að fara? Ég leyfi umboðsmönnum mínum að vinna úr þessu og þeir ætla að láta mig vita þegar þeir finna lausn á þessu," sagði Alves í spjallþætti í Brasilíu.

Alves var eftir þetta spurður hvort City yrði hans næsta lið.

„Það vita allir að ég dáist að Pep Guardiola," sagði hann þá, en hann og Guardiola unnu saman hjá Barcelona á sínum tíma.