Kingsley Coman, leikmaður Þýskalandsmeistara Bayern München, hefur verið handtekinn grunaður um heimilisofbeldi, en frá þessu greina fjölmiðlar í heimalandi hans, Frakklandi.
Tvö atvik eru sögð hafa átt sér stað, á sunnudag og mánudag, en Coman reifst heiftarlega við fyrrverandi kærustu sína.
Tvö atvik eru sögð hafa átt sér stað, á sunnudag og mánudag, en Coman reifst heiftarlega við fyrrverandi kærustu sína.
Hinn 21 árs gamli Coman var handtekinn á mánudagsmorgun í úthverfum Parísar, höfuðborgar Frakklands.
Coman hringdi víst sjálfur í lögregluna eftir rifrildi um auglýsingarsamning. Fyrrverandi kærasta hans ræddi síðan við lögregluna er hún kom á staðinn og þá var Coman handtekinn.
Það er búið að sleppa honum, en hann þarf að mæta fyrir framan dómstóla í september.
Athugasemdir