West Brom sem er í neðsta sæti deildarinnar skoraði eitt mark gegn tveimur mörkum gestanna í Huddersfield. David Wagner stjóri gestaliðsins var skiljanlega gríðarlega ánægður eftir leikinn í gær.

„Það var ljóst fyrir leikinn að þetta var enginn sex stiga leikur en þetta var engu að síður mikilvægur leikur fyrir okkur og leikmennirnir sýndu allar sínar bestu hliðar."

„Það er hægt að segja að þetta hafi verið úrslitaleikur fyrir bæði lið og við unnum og auðvitað er ég ánægður með liðið og stuðningsmennina."

„Við áttum von á því að þeir myndu setja mikla pressu á okkur, þetta var stórleikur fyrir þá líka, úrslitaleikur. Við komust í gegnum fyrstu tíu mínúturnar án þess að fá á okkur mark, eftir það skoruðum við tvö frábær mörk og héldum þeim frá markinu okkar eins vel og við gátum," sagði David Wagner að lokum