Heimild: Vefur Vålerenga
Bjarni Ólafur í leik með Val.
Bjarni Ólafur Eiríksson fyrirliði Vals er farinn á reynslu hjá norska félaginu Vålerenga en frá þessu var greint á vef félagsins í dag.
Bjarni Ólafur sem er 27 ára gamall bakvörður kom til Osló í dag til að æfa með norska liðinu.
Hann fer í læknisskoðun hjá Vålerenga í dag og æfir svo með liðinu ´amoregun.
Bjarni Ólafur tók við fyrirliðabandinu hjá Val fyrir þessa leiktíð. Hann hefur átt sæti í íslenska landsliðshópnum og lék meðal annars með liðinu í 2-2 jafnteflinu gegn Norðmönnum í haust.
Hann var tímabilin 2005-2007 hjá Silkeborg í Danmörku en fór svo aftur heim í Val.
Athugasemdir
