„Miðað við hvernig leikurinn þróaðist þá hefði 2-2 verið rosa flott hjá okkur," sagði Ari Freyr Skúlason við heimasíðu KSÍ eftir 3-2 tap gegn Bandaríkjunum í vináttuleik í gærkvöldi.
Ari spilaði fyrri hálfleikinn í vinstri bakverði í gær en hann kom við sögu á kantinum og miðjunni í síðari hálfleik.
„Ég náði fimm mínútum á miðri miðjunni. Ég ef spilað kant og miðju áður en það er skynsamlegast að fara á kantinn þegar maður er búinn að vera í bakvarðar stöðunni."
Aðspurður hvort framherjastaðan væri næst á dagskrá þá sagði Ari: „Ég hefði allavega klárað færið hans Birkis, það er nokkuð öruggt."
Ari átti þar við færi sem bakvörðurinn Birkir Már Sævarsson fékk í síðari hálfleiknum.
Hér að ofan má sjá viðtalið í heild sinni.
Athugasemdir