Evrópska knattspyrnusambandið UEFA hefur sektað knattspyrnusambönd Rúmeníu og Ungverjaland og gert báðum landsliðum að spila með tómar stúkur að hluta til í næstu leikjum.
Liðin mættust í F riðli í Búkarest þar sem 11 gul spjöld litu dagsins ljós og ekki var ástandið betra í stúkunni.
Lögregla þurfti að beita táragasi þar sem kveikt var í blysum og flugeldum hjá báðum stuðningsmönnum, og ungverskir áhorfendur kveiktu í nokkrum sætum eftir að mark Adam Szalai var dæmt af í fyrri hálfleik.
Hvorugt liðanna má því fylla völlinn í næsta heimaleik sínum, auk þess sem bæði knattspyrnusambönd verða að greiða sekt í kringum 30.000 evrur.
Athugasemdir