„Við mættum ekki til leiks í þennan leik. Við fengum verulega á baukinn núna," sagði Ólafur Jóhannesson þjálfari Vals eftir 0-3 tap sinna manna gegn nýliðum Leiknis í fyrstu umferð Pepsi-deildar karla.
Lestu um leikinn: Valur 0 - 3 Leiknir R.
„Við byrjum leikinn illa og lentum í vandræðum eftir að hafa lent tveimur mörkum undir snemma leiks. Við vorum síðan ekki líklegir eftir það. Við reyndum eins og við gátum en það gekk ekki," sagði Ólafur en Valsmenn voru 2-0 undir eftir einungis 13 mínútna leik.
„Þetta er kjaftshögg og svekkjandi. Það er hinsvegar æfing á morgun og mætum tilbúnir í næsta leik. Það er eina sem við getum gert núna. Við þurfum að reyna vinna þann leik. Við þurfum ekki að breyta miklu þó að liðið spila illa einn leik. Við höfum spilað fína leiki í undirbúningnum."
Valsmenn voru langt í frá að vera beittir fram á við og voru aldrei líklegir að skora í leiknum.
„Ég held að við hefðum getað spilað fram að miðnætti og við hefðum ekki skorað sennilega," sagði Óli Jó að lokum.
Viðtalið í heild sinni er hægt að sjá í sjónvarpinu hér að ofan.
Athugasemdir