„Miðað við nöfnin sem félögin eru að kaupa lítur út fyrir að deildin verði 15-20% betri og það er gott," segir Milos Milojevic, þjálfari Víkinga. Talsvert líf hefur verið á leikmannamarkaðnum innanlands að undanförnu.
Lestu um leikinn: Valur 1 - 0 Víkingur R.
„Við viljum að deildin sé sterkari en það krefst meira af okkur. Allir sem eru fyrir þurfa að stíga upp svo við endum í þeim hluta töflunnar sem við viljum."
Víkingar töpuðu 0-1 fyrir Val í undanúrslitum Reykjavíkurmótsins í kvöld. Milos krefst meira af sínum leikmannahópi .
„Það vantar eitthvað í hópinn en engu að síður eru menn sem spiluðu í dag með gæði og eiga að gera aðeins betur en þeir gerðu. Við erum að skoða 1-2 stöður í viðbót en ég er smá ósáttur við að menn sem eru í liðinu eins og er eru ekki að reyna að gera aðeins meira til að halda sér í liðinu. Valsmenn voru yfir í baráttunni í 70 mínútur sirka," segir Milos en viðtalið má sjá í heild í sjónvarpinu hér að ofan.
Athugasemdir