Ítalska félagið Lazio hefur fengið 50 þúsund evra sekt fyrir kynþóttafordóma stuðningsmanna liðsins í leik gegn Napoli á miðvikudag. Þá þarf félagið að loka þremur hlutum stúkunnar á Ólympíuleikvanginum í næstu tveimur heimaleikjum.
Leikurinn gegn Napoli var stöðvaður í þrjár mínútur í seinni hálfleik eftir að einhverjir stuðningsmenn voru með rasistaköll til varnarmanns Napoli, Kalidou Koulibaly. Eftir leikinn hrósaði Koulibaly dómaranum.
Napoli, sem er á toppi ítölsku A-deildarinnar, vann umræddan leik 2-0.
Í gegnum árin hefur Lazio oft verið refsað þar sem stuðningsmenn liðsins fara yfir strikið.
Athugasemdir