Á heimasíðu Juventus er Pirlo þakkað fyrir fjögur frábær ár hjá félaginu en með hann innanborðs hefur Juve haft yfirburði í ítalska boltanum.

Fáir leikmenn á síðustu árum hafa sýnt álíka leikskilning og spyrnutækni eins og Pirlo.

Lið New York er heldur betur stjörnum prýtt en Frank Lampard og David Villa eru einnig í leikmannahópi félagsins sem er það nýjasta í MLS-deildinni.

Pirlo er 36 ára og lék við góðan orðstír með AC Milan á sínum tíma en 2006 varð hann heimsmeistari með ítalska landsliðinu.