Úrúgvæ og Paragvæ unnu bæði í kvöld.
Hvorki Luis Suarez né Edinson Cavani voru í landsliðshóp Úrúgvæ sem lagði Bólivíu af velli í undankeppni HM fyrr í kvöld.
Varnarmennirnir Martin Caceres og Diego Godin gerðu mörk Úrúgvæ í leiknum og var Fernando Muslera, markvörður Úrúgvæ, magnaður á milli stanganna þar sem hann varði hvert skotið á fætur öðru.
Varnarmennirnir Martin Caceres og Diego Godin gerðu mörk Úrúgvæ í leiknum og var Fernando Muslera, markvörður Úrúgvæ, magnaður á milli stanganna þar sem hann varði hvert skotið á fætur öðru.
Juan Cuadrado lék allan leikinn og Radamel Falcao kom af bekknum er Kólumbía lagði Perú af velli. David Ospina átti þá góðan leik á milli stanga Kólumbíu.
Teofilo Gutierrez, sóknarmaður Sporting, gerði fyrsta mark Kólumbíu undir lok fyrri hálfleiks og það var alltaf hætta á jöfnunarmarki þar til í blálokin þegar Edwin Cardona innsiglaði sigurinn í uppbótartíma.
Derlis Gonzalez gerði eina mark leiksins er Paragvæ lagði Venesúela af velli. Fyrstu umferð undankeppni HM lýkur í nótt þegar Brasilía heimsækir Síle og Argentína tekur á móti Ekvador.
Bólivía 0 - 2 Úrúgvæ
0-1 Martin Caceres ('10)
0-2 Diego Godin ('68)
Rautt spjald: Jair Torrico, Bólivía ('71)
Kólumbía 2 - 0 Perú
1-0 Teofilo Gutierrez ('36)
2-0 Edwin Cardona ('94)
Venesúela 0 - 1 Paragvæ
0-1 Derlis Gonzales ('84)
Athugasemdir
