Sverrir í leiknum í kvöld
Sverrir Ingi Ingason byrjaði leikinn í kvöld á varamannabekknum. Sverrir kom síðan inná fyrir Aron Einar þegar um það bil 10 mínútur voru eftir af leiknum. Leiknum lauk með 2-0 sigri Íslands og íslenska liðið búið að tryggja sér þáttökurétt á HM í Rússlandi næsta sumar.
Lestu um leikinn: Ísland 2 - 0 Kosóvó
„Þetta er svolítið svona móment sem á eftir að taka nokkra daga að sogast inn. Eins og maður segir, ef þú ert fótboltamaður og þú veist að þú ert að fara að spila á HM er mögulega stærsta svið sem þú getur komist á, þá er maður í svolitlu tilfinningasjokki og það á eftir að sogast inn næstu daga.
„Þetta er að gera svo mikið fyrir leikmenn, sama hvort þeir eru í góðri eða slæmri stöðu hjá félagsliði, að hafa eitthvað til þess að hlakka til. Þetta er bara frábær tilfinning."
„Þetta er sennilega eini leikurinn sem mér hefur liðið illa í. Að ná þessu fyrsta marki var alveg crucial. Síðan þegar Jói setur seinna markið þá er bara eins og maður missi 10 kíló af öxlunum á sér."
Sverrir býr í Rússlandi og spilar með FC Rostov þar í landi.
„Rússarnir eru mjög gott fólk og þeir eru mjög hrifnir af því sem Íslendingar hafa verið að gera. Ég hef verið spurður af því oft í viðtölum hversvegna 300.000 manna þjóð sé svona góð í fótbolta."
Athugasemdir
