Heimild: KSÍ
Hannes Þór Halldórsson meiddist á æfingu íslenska landsliðsins í dag og fer ekki með liðinu til Tyrklands.
Róbert Örn Óskarsson, markvörður FH, hefur verið kallaður inn í hópinn í hans stað og fer með strákunum okkar til Tyrklands síðar í dag.
Hannes Þór hefur leikið alla leiki Íslands í undankeppninni en líklegt er að annað hvort Ögmundur Kristinsson eða Gunnleifur Gunnleifsson muni standa í markinu gegn Tyrkjum.
Róbert Örn hefur ekki leikið landsleik en þessi 27 ára gamli FH-ingur á þrjá landsleiki að baki fyrir yngri landslið Íslands.
Ísland leikur gegn Tyrkjum ytra á þriðjudag en Tyrkir eru í harðri baráttu við Hollendinga um þriðja sæti riðilsins.
Athugasemdir