Gary Neville knattspyrnustjóri Valencia segist enn vera nokkuð rólegur vegna stöðunnar sem upp er komin hjá liðinu.

Liðið hefur leikið vægast sagt hræðilega síðan Neville tók við og ekki tekist að vinna einn einasta leik, af þeim 9 sem liðið hefur leikið í spænsku deildinni, síðan hann var ráðinn þjálfari.

Ekki minnkaði pressan á Neville þegar Santiago Canizares fyrrverandi fyrirliði liðsins hvatti hann til að segja upp störfum á dögunum.