Ragnar átti magnað Evrópumót.
„Það er áhugi um alla Evrópu. Til dæmis á Englandi, Þýskalandi og Ítalíu," sagði Martin Dhalin, umboðsmaður Ragnars Sigurðssonar, við Fótbolta.net í dag.
Ragnar sló í gegn á EM í Frakklandi og mörg félög hafa sýnt honum áhuga að undanförnu.
Ragnar er þrítugur en hann hefur spilað með Krasnodar í Rússlandi síðan árið 2014.
Ragnar hefur meðal annars verið orðaður við Leicester, Liverpool og Tottenham á Englandi.
Ragnar sló í gegn á EM í Frakklandi og mörg félög hafa sýnt honum áhuga að undanförnu.
Ragnar er þrítugur en hann hefur spilað með Krasnodar í Rússlandi síðan árið 2014.
Ragnar hefur meðal annars verið orðaður við Leicester, Liverpool og Tottenham á Englandi.
„Hann spilaði mjög vel á EM. Það er mikill áhugi á honum en hann á líka tvö ár eftir af samningi sínum við Krasnodar. Þeir vilja auðvitað fá góðan pening fyrir hann," sagði Martin.
Aðspurður hvort eitthvað muni gerast í málum Ragnars á næstu dögum sagði Martin: „Það er ómögulegt að segja. Þetta veltur allt á því hversu mikið félög eru tilbúin að borga og fyrir hvaða upphæð Krasnodar er tilbúið að láta hann fara."
Athugasemdir
