,,Mér fannst við vera mun betri aðilinn í leiknum, við vorum komnir yfir en fengum á okkur ódýrt jöfnunarmark, eftir aukaspyrnu rétt eins og í síðasta leik og því fór sem fór," sagði Sigurður Ragnar Eyjólfsson, þjálfari ÍBV, eftir 1-1 jafntefli við Breiðablik í dag.
Lestu um leikinn: ÍBV 1 - 1 Breiðablik
,,Í seinni hálfleik fórum við meira að reyna að halda þessu auk þess sem það var kannski smá þreyta í mönnum en þrátt fyrir það fannst mér leikur liðsins góður í dag, við náðum að loka vel á spilið hjá Breiðablik en þeir eru yfirleitt vel spilandi lið," sagði Siggi Raggi.
,,Mér fannst við hafa góð tök á leiknum fram að jöfnunarmarkinu og þó ég hefði viljað þrjú stig þá er eitt stig mjög mikilvægt i þessari baráttu, við erum engan veginn búnir að tryggja okkur ennþá, við erum með 21 stig og þurfum fleiri," sagði Siggi Raggi að lokum.
Athugasemdir