Frederik Schram þakkar stuðningsmönnum eftir leik.
Frederik Schram kom óvænt inn í markið hjá íslenska U21 landsliðinu í seinni umspilsleiknum gegn Danmörku sem endaði með 1-1 jafntefli.
Rúnar Alex Rúnarsson dró sig úr byrjunarliðinu í upphitun og Frederik spilaði því sinn fyrsta keppnisleik fyrir U21 landsliðið. Hann stóð sig mjög vel en var svekktur að detta úr leik á útivallarmörkum.
Rúnar Alex Rúnarsson dró sig úr byrjunarliðinu í upphitun og Frederik spilaði því sinn fyrsta keppnisleik fyrir U21 landsliðið. Hann stóð sig mjög vel en var svekktur að detta úr leik á útivallarmörkum.
,,Þetta var mjög svekkjandi. Mér fannst við berjast allan leikinn og mér fannst við allavega eiga skilið að fara í framlengingu. Strákarnir voru frábærir og það er heiður að vera með þeim, en auðvitað er ég svekktur og sorgmæddur," sagði Frederik eftir leikinn.
,,Ég undirbjó mig eins og ég myndi spila. Ég vissi að Rúnar Alex væri tæpur og ég undirbjó mig eins og ég væri að fara að spila. Í upphitun sagði Alex að hann gæti ekki spilað, og ég var undirbúinn svo það var ekkert vandamál."
,,Ég átti fínan leik, ég náði góðri vörslu í fyrri hálfleik og greip boltann nokkrum sinnum vel í fyrirgjöfum. Ég þarf bara aðeins að kynnast liðinu, ég þekki það ekki nógu vel, en þetta var gott tækifæri fyrir mig til að sýna íslensku þjóðinni hvað í mér býr."
,,Ég veit að margir vinir mínir í Danmörku og fjölskylda horfðu á leikinn, það var gaman að þau gátu horft á þetta."
Athugasemdir
